عن الموقع

إيه هو دولار بكام اليوم؟

موقع مجاني بيجمع أسعار شراء وبيع الدولار و١٧ عملة تانية من البنوك المصرية في مكان واحد، وبيقولك أنهي بنك هيديك أعلى سعر لو هتبيع، وأقل سعر لو هتشتري.

وكمان بيعرض أسعار الذهب في مصر لكل عيار، مع حاسبة بالجرام.

أسعار العملات بنقراها أوتوماتيك من صفحات الأسعار الرسمية على مواقع البنوك نفسها، تقريبًا كل دقيقتين.

أسعار الذهب من موقع آي صاغة.

جنب كل بنك بنكتب آخر وقت اتحدثت فيه أسعاره. البنوك اللي أسعارها ما اتحدثتش من أكتر من ٣ أيام بنعرضها لوحدها ومش بندخلها في الترتيب.

لو عايز تبيع عملة، بنرتب البنوك من أعلى سعر شراء. لو عايز تشتري، بنرتبها من أقل سعر بيع.

بنفضّل سعر الكاش لو البنك معلنه، ولو البنك بيعلن سعر التحويل بس بنكتب جنبه «تحويل».

الأسعار استرشادية. البنوك ممكن تغيّر أسعارها خلال اليوم، وسعر الفرع ممكن يختلف عن السعر المعلن على الموقع. اتأكد من البنك قبل ما تتعامل.

إحنا مش بنك ومش شركة صرافة، ومش بنبيع أو نشتري عملات. والمعلومات هنا مش نصيحة مالية.

الموقع مستقل ومالوش علاقة بأي بنك ولا بالبنك المركزي المصري، وبيصرف على نفسه من الإعلانات.

لو لقيت سعر غلط أو عندك اقتراح، ابعتلنا من صفحة «اتصل بنا».